YASA KIRTI
KARYA TAWUR
AGUNG, NUBUNG DAGING, NGENTEG LINGGIH, MAPEDUDUSAN AGUNG MENAWA RATNA PURA
KAHYANGAN TIGA LAN
DHANG KAHYANGAN RING DESA ADAT KOMALATAHUN
2014-2015.
MURDA WAKIA
OM
SUASTIASTU,
OM
AWIGHNAMASTU NAMO SIDHAM
Melarapan Tata Sukerta Panyanggra Kahyangan Desa Adat Komala sane
kepah dados 5 (Limang) Tempek Desa,
Inggih Punika :
Ø Tempek Desa Kangin Penyanggra Kahyangan Pura Telaga (Dewi Uma lan
Dewi Sri),
Ø Tempek Desa Kelod Penyanggra Kahyangan Pura Puncaksari (Ida Ratu Ayu
Manik Mas Maketel)
Ø Tempek Desa Kauh Penyanggra
Kahyangan Pura Puseh (Ida Batara Wisnu) lan
Bale Agung ( Ida Batara Brahma)
Ø Tempek Desa Kaja Penyanggra
Kahyangan Pura Ulun Suwi (Dewi Danuh),
Ø Tempek Desa Kaja Kangin
Penyanggra Kahyangan Pura Dalem ( Ida Batara Dewi
Durga),
Ø Dadia Dangin Sema, Penyanggra Kahyangan Pura Dalem Sidhi ( Ida
Bhatara Dewi Durga),
Ø Jero Mangku Sedesa Adat Komala Penyanggra Kahyangan Pura Pasucian (
Ida Bhatara Dewi Gangga)
Indik Punika sampun dados swadharmaning Krama Desa Adat
Komala sane kiket ring sajroning Tempek Desa lan Pasamuan Jero Mangku mangda
stata ngamargiang Yadnya makadi Dewa Yadnya lan Bhuta Yadnya sane ketah
kabaos Naimitika Karma Yadnya ring
sawewengkoning Kahyangan Desa Adat Komala.
Indik Karya Tawur Agung, Nubung Pedagingan, Ngenteg
Linggih, Pedudusan Agung Manawa Ratna
lan Ida Bhatara Turun Kabeh punika
sampun marupa daging Pesamuan Desa Adat Komala Duk Rahina Buda Pon Bale Tanggal
29 Januari 2014 ring Pura Puseh / Bala Agung Desa Adat Komala, Sane
dados pamutus ring rahina Soma Wage
Uku Medangsia Tanggal 5 Januari 2015 Pinanngal 15 (Purnamaning Kapitu ) marupa Puncak Karya
Agung ring pawanengan galah punika Ida Bhatara saking suang-suang
Kahyangan Desa Lan Kahyangan Pamaksan
sawewengkon Desa Adat Komala sagrehan Ida Bhatara Turun Kabeh, saha
katuran nyejer ngawit rahina Redite
Paing Gumbreg Tanggal 9 Nopember 2014 kantos waneng galah rahina Sukra Wage
Wuku Pujut 16 Januari 2015. Ring
sajroning Paruman Krama desa Adat Komala sampun kaigumang, karincikang indik
sahananing Yadnya kinucap, minakadi Prawartaka Karya Yadnya, Yajmana Karya,
Pangarajeg Karya lan Tapini Yadnya taler ring Para Bakta se-Dharma ring sajroning
nyanggra pamargin yajna utawi Karya ring Ajeng.
Antuk punika ngiring sareng sami ngastiti ring Hyang
Parama Kawi dumadak Ida Suweca Mapaica kadegdegan, kerahajengan lan kertaning
bumi, mangda Karya inucap ring ajeng prasida memargi sidhaning don, maka
jalaran ngamargiang Usaba Ageng inggih punika “ Usaba Dangsil “ sane sampun
lintang ring 90 (sangang Dasa) Warsa tan prasida ka laksanayang , sangkaning
makudang-kudang pikobet, katunayan pamineh/pamikayun, mawinanta lintang galah
Paruman Desa prasida ngamargiang Karya
Pamungkah.
OM ANO BHADRAH KRATAWU YANTAH WISWANTAH,
OM SANTIH SANTIH SANTIH OM.
Komala,
5 Mei 2014.
Keliang
Desa Adat Komala, Penyarikan
Desa Adat Komala,
I
Wayan Putu I
Made Dauh Suansara S.Pd
Prawarta
Karya :
I
Wayan Mudu
MURDA
CITTA
OM SUASTIASTU,
Karya Taur Agung, Nubung Pedagingan, Ngenteg Linggih, Padudusan Agung lan Menawa
Ratna sane kemargiang ring Desa Adat Komala wantah marupa Karya Pamungkah
ring sajroning Mrayascita Wawidangan Desa Adat Komala nagingin/ngawewehin
padagingan ngenteg linggih Ida Bhatara Bhatari
ring kahyangan Ida Mangda Jenek malingga rahina wengi dening krama desa
Adat Komala mapikayun pacang ngaturang Upakara Yadnya Agung Inggih Punika “ Usaba Dangsil “
sane sapatutnia kamargiang sanunggil 10 ( Dasa) Warsa apisan.
Dening asapunika sampun sapatute krama Desa Adat Komala lan Para
Bhakta Ngastitii Bhakti malarapan antuk Yasa Kirti maka tungtunging Bhakti
Marga lan Karma Marga ring sajroning nyanggra Yadnya, taler tan lempas ngeret
pamurtian indria ring angga sarira majalaran Tapa Bratha, Yoga lan Samadhi saha Ngupadi Yama lan
Niyama Bratha.
Cakepan alit puniki madaging tuntunan “ Yasa Kirti “ sane patut
kagambel, kamargiang saha katelebang antuk Krama Desa Lanang Istri, Para
Yoananne lanang Istri taler Para Bhakta sa- Dharma.
Malarapan sangkaning tuntunan sane sampun mungguh ring cakepan alit
puniki dumadak Krama Desa Adat Komala lan Para Bhakta prasidha nyanggra
pamargin Yadnya ( Karya Taur Agung, Nubung Padagingan Ngenteg Linggih,
Padudusan Agung Lan Manawa Ratna) ring Desa
Adat Komala prasida lumaksana sidaning don sane kadulurin antuk Susila (Tri
Kaya Parisuda) manut Tri Kerangka Agama Hindhu ( Tatwa, Susila, Rituil). Taler
tiosan ring punika sane dados tatuwek Dasar Nyangra lan angelar-aken Yadnya
wantah Rasa Bhakti, Kayun Hening, Welas Asih, Tanpa Pamerih “
Dumogi Cakepan Alit punika prasida dados gaguat ring midabdabin
pamargin Upakara lan Upacara, mantuka ring Krama Desa Adat Komala lan Para
Bhakta sinamian kandugi raris prasidha molah maprawerti ring sajroning pamargin
Yasa Kirti manut Swadharmaning Krama Desa lan Para Bhakta.
Om Santih Santih Santih Om.
Pangerajeg Karya:
Ø Ida Pedanda Gede Pasuruan
Geria Sibetan.
Ø Ida Pedanda Gede Jelantik Karang Sidemen Geria Budakeling
Tapini :
·
Ida Pedanda Istri Anom Geria Budakeling
·
Ida Pedanda Istri Ketut Geria
Budakeling
·
Ida Pedanda
Istri Ketut Geria, Geria Ulon Jungutan
Yajamana:
Ø Kelian Desa Adat Komala
(I Wayan Putu)
Ø Prawartaka Karya :
I Wayan Mudu
YASA KIRTI
KARYA TAWUR AGUNG, NUBUNG DAGING, NGENTEG LINGGIH,
MAPEDUDUSAN AGUNG MENAWA RATNA PURA KAHYANGAN TIGA LAN
DHANG KAHYANGAN DESA ADAT KOMALA
TAHUN 2014-2015.
Ring sajroning
nyanggra Karya Taur Agung, Nubung Pedagingan, Ngenteg Linggih, Padudusan Agung lan Manawa Ratna lan Ida Bhatara Turun Kabeh puniki
sampun nepek sekadi sane munggah ring Pamunder Desa lan Awig Desa Adat Komala,
sarga IV Palet 1 Indik Dewa Yadnya Pawos 46 (w), taler sampun kadulurin antuk
pararem-pararem Desa, maka pamuput pararem duk rahina Buda Pon Bala Panglong
Ping 14 Icaka 1935, Tanggal 29 Januari 2014 magenah ring Palataran Jaba Tengah
Pura Bale Agung Desa Adat Komala. Maka unteng pamutus wantah: Karya Taur Agung,
Nubung Pedagingan, Ngenteg Linggih, Padudusan Agung lan Manawa Ratna lan Ida Bhatara Turun Kabeh,
kelaksanayang ring Pura Puseh Pura Bale Agung Desa Adat Komala, ring Rahina Soma Wage Wuku Medangsia Pinanggal Ping 15 ( Purnamaning Kapitu ) Isaka 1937 Tanggal 8 Oktober 2014
sane Kapuput olih ( Sarwa Sadhaka )
Malarapan antuk punika mangda pamargin Karya Agung sidha lumaksana
tan pateleteh maka Sadhana Bhakti lan Karma Yoga patut kadulurin antuk Yasa
Kirti, utawi Ngupetiang laksana manut Linging Aji Tri Kerangka Dasar Agama
Hindhu Inggih Punika manut Filsafat (Tatwa), Etika ( Susila) lan Ritual
(Upacara).
Inggian Yasa Kirti punika :
I.
YASA KIRTI RING SAJRONING
KARYA (Parilaksana, tingkahing Ambek ) :
Ring sajroning mapidabdab, mapikamkam nyanggra pamargin
Karya Taur Agung, Nubung Padagingan, Ngenteg Linggih, Padudusan Agung Manawa
Ratna Lan Ida Bhatara Turun Kabeh mangda wetuning kasidhan maparisolah anut
tata titining Tri Kaya Parisudha inggian Punika :
a.
Kayika : maparidabdab malaksana sane patut,
b.
Wacika : mabawos sane becik (Sadhu)
c.
Manacika : mapikayun sane rahayu
Taler ngeret ikang Panca
Indria maduluran antuk Panca Yama lan Nyamana Bratha,
Kayatnakna, aywa saula-ulah lumaku, ngulah subal, yan
tan bener anut linging aji, Nirgawe pwaranya kawalik purihnya ika, amrih ayu
byakta atemahan hala. Mangkana wenang ika kaparatyaksa de sang anukangi, sang
adiksani lan sang adrewe karya, ika katiga wenang atunggalan panglaksana nira
among saraja
karya.
Aywa kasingsal, apan
ring yadnya tan wenang kacacaban, kacampuhan manah weci, ambek branta,
sabda parusya.
Ikang manah sthiti jati nirmala juga maka sidhaning
karya, marganing amanggih sadya rahayu, kasidhaning panuju mangkana kengetakena
Estu phalanya.
Suksman Ipun :
Tangarain pisan,
sampunang sakwala mamargi (malaksana) Yan nenten manut ring daging Pustaka
Suci, Karya Punika Tan Becik dadosne, mawalik dados
tatujone ngupeti kabecikan/kaluwihan, rahayu, dados kaon/tan becik sane kapuponin.
Punika sane patut
ka paritetes kasumekenang antuk Tapini,
Pangarajeg Yajna lan Sang Madue Karya (yjamana ) maka tatiga punika patut
matunggalan ring sajroning laksana
ngagen sahananing Karya.
Sampunang
mapitungkas, duaning ring nangun karya (Yajana)
nenten dados kaletehan antuk pamineh tan rahayu ( mala ) parilaksana kaon (
Dukhita), baos tan rahayu. Wantah pamikayunm (manah) Suci, Nulus maka Sadhana
ngamolihang kertaning Yajana, ngamangguh Sadya
Rahayu manuting tatujon, punika sane patut elingang, dumogi kapangguh Phala
Rahayu.
Ethika ( Susila) punika maka dasar ring sajroning
maprawerti mangda pamargin Karya kinucap antar lan degdeg, ring Umat Sedharma
sane ayat tangkil malarapan punika :
1.
Arsa majedengan ngatos giliran
ngeranjing keutama mandala, mangda arsa ledang agawe sukaning wong len,
ritatkala genahe sampun kosekan,
2.
Para Pinandita lan Prawartaka
Yadnya Prasida lumaksana dabdab nyanggra sapangerauh Para Bhakta sinamian,
3.
Pedek tangkil kepura (Kahyangan
Desa) mabusana sane santun, mangda prasida trepti
4.
Sareng nitenin Kasucian lan
Kaasrian wewidangan Pura, ngenahang luhu/mis ring genah sane sampun kecawisang,
5.
Sareng-sareng yanggra
katreptian Pamargin Yadnya manuting uger-uger (Awig-Awig) saha tata cara ring
margi ( Lalu lintas mangda antar aman lan tertib)
6.
Jaga Baya Desa mangda nuntun Para Bhakta ring selantang margi utawi ngaturin
genah Parkir, taler sareng-sareng nyanggra katreptian Para Bhakta, wawidangan Palemahan Pura
sekadi ring Jaba Pisan, Jaba Tengah lan Jeroan (Utama Mandala).
II.
YASA KIRTI MARUPA UPAKARA LAN
UPACARA :
a.
Upakara lan Upacara :
Mangda pemargin Karya ring Desa Adat Komala Labda Karya, Kerama Desa
Adat Komala patut ngaturang Upakara Piuning ring : Kahyangan Desa Adat Komala
taler kelanturang kesuang-suang Pamerajan ring sajroning Kulawarga sekadi ring
sor puniki :
Raina : Redite Umanis Menail
Raina : Redite Umanis Menail
Tanggal : 10 Agustus
2014
Upakara : Ngaku Agem Karya, Mejaya-jaya lan Nyukat Genah
Genah :Pura Kahyangan Tiga/Pura Dang Kahyangan
Upacara puniki marupa piuning Kerama Desa Adat Komala sampun mataki
–taki ring sajroning nangun Karya, sapisanan ngalungsur Upasaksi, Kadegdegan
manah saha Panuntun mangda Karya Agung punika Prasida lumaksana sidaning don.
Ngawit galah puniki Krama Desa sampun ngupetiang kalih nyatiang
Karya Agung, sane pinih Utama Yasa Kirti ring sajroning kayun wetu kasidan
bebaos lan laksana becik tur ngedohang sekancan mala muah dursila sane
ngawinang cacad kang sinanggah Yadnya. Sakewanten ngiring mapengapti mangda Yadnya Agung puniki prasida antar
tur labda karya sidaning don.
na. Dana Punia maka sadana
Yasa Kirti Para Bhakta :
Lianan ring sajroning Yasa Kirti marupa Upakara sekadi ring ajeng
taler Ida Dane Mangda ngaturang Punia marupa : Arta luire jinah Rupiah, taler dados jinah bolong
utawi maturan marupa artos sakadi : Kelapa, Pisang, Beras,Kasturi, Adeng, Biting, miwah sane
lianan.
Yan wenten jaga maturan Padagingan/Papendeman, wawalungan minikadi :
Kebo, Kambing, Asu Bangbungkem, Meri/bebek, Ayam, Bawi, Banteng miwah sane
lianan taler kangkat. Melarapan Yasa Kirti puniki wastu kasidan Karya ring
Ajeng mamargi Lanus.
ca. Pitra Yadnya :
Upakara lan Upacara Pitra Yadnya sandang kelaksanayang olih Krama
Desa Adat Komala ring sajroning ngagem Karya Tawur Agung ring Desa Adat
Komala tatujone wantah nuju Kasucian Skala Niskala, mangda yukti galang apadang pamineh
utawi pamikayun, bebaos saha pari laksana ring sajroning midabdabin saraja
karya kaenter antuk prawataka karya, manut daging pamutus wates galah
ngelaksanayang atiwa-tiwa luir ipun.
a.
Sane madruwe sawa mapendem ring
pertiwi utawi sane makingsan ring geni, Pitra Yadnya (Ngaben) pinih telat
kantos sasih Mei Warsa 2014, yan wenten sasampun waneng galah punika sane madruwe kepatian
patut makingsan ring pretiwi utawi mekingsan ring geni kahanan punika sane madruwe sawa
sadurung Nangiang Palinggih Penyatur Desa, ngakuagem Rahina: Redite Umanis
Menail 10 Agustus 2014.
na. Prade wenten maduwe kepatian, sasampun Buda Kliwon Uku Sinta 8 Oktober 2014, tan kawenangang makingsan ring geni sakewanten sawa punika patut
mapendem (makingsanang ring pretiwi). Antuk pidabdab tatikas:
1.
Kasetra ritatkala Sandya Kala
2.
Nenten nyuaraang gendongan
(kulkul)
3.
Nenten nganggen bobok lan
4.
Nenten maka kawin
Pamargine wantah sasiliban. Mangda sampunang krama
desane kacuntakaan.
ca. Prade sane seda punika Pinandita (pemangku), tata cara mendem
sawa manuting upakara maduluran suci petak ring huluning sawa lan saruntutane
manut kabuatan, Desa Kala lan Patra.
v Rahina : Buda
Kliwon wuku Sinta, Icaka 1936 tanggal 8 Oktober 2014
Upacara : Ngaturang piuning ring Pura Kahyangan Desa, Pemaksan,
Paibon,
Merajan, Negteg daging Karya lan Nyengker
setra.
Genah :
Pura Kahyangan Desa, Banjar, Pemaksan, Paibon/Pamerajan
Ring rahina puniki (Buda Kliwon Sinta 8 Oktober 2014)
ngaturang upakara mapiuning ring Pura Kahyangan Desa, Pemaksan, Paibon utawi
Merajan tatujone ngalungsur Tirta Pamarisuda, mangda kahanan Bhuana Agung miwah Bhuana Alit
kicen kanirmala (angilangaken sarwa letuh ring Bhuana Agung miwah Bhuana Alit) saha nunas tirta
pangandeg
ring Pura Dalem Desa Adat Komala, indik tata cara pemarginnyane sekadi:
a.
Sawatara jam 8.00 WITA, saking suang-suang
dadia/pemaksan/kaluwarga wenten duta sinalih tunggil tangkil ke Pura Dalem Desa makta sarana
upakara sekadi: Peras, Daksina, bung-bung 2 lawas (kakalih) kaanggen 1 (siki) linggih tirta
pangandeg
(panyuter), kahias wastra putih kuning, daun andong, bakang-bakan, andel-andel
madaging surat/pipil tirta pangandeg (panyuter). Malih asiki: bung-bung linggih tirta pamarisudha mawastra putih kuning,
daun andong bakang-bakang saha madaging pipil/surat Tirta Pamarisudha, Uparengga Ungkulan asiki.
na. Sasampun rauh Ida Bhatara Tirta, ring suang-suang
pamaksan/pamerajan/dadia kapendak antuk ayunan putih kuning, segehan (manut
pamargi suang-suang) sampun puput katuran malinggih ring pasamuan suang-suang.
ca. Suang-suang krama ngaturang bhakti pamios ring kahyangan Desa,
Pemaksan, Paibon/ Pamerajan ayat ngalungsur Tirta Pamarisudha, sane jaga katiwakang
ring Pamerajan/Sanggah, Palemahan Karang, saha ring sanak kaluwarga.
ra. Krama (kaluwarga) sane maduwe sawa mapendem/makingsan ring
pretiwi utawi sane durung ngaben mangda nunas tirta pangandeg/panyuter, kasiratang ring setra, ring genah sawane mapendem. Indik upakarannia:
1.
Ring Pura Dalem, Prajapati
panguluning setra, ngaturang sodha ajuman putih kuning, canang sari saha
saruntutania maka tungtunging pangelungsur mangda Ida Bhatara Prajapati muang
Ida Bhatara Panguluning Setra mangda niwakang pangiket ring sang pitara mangda
nenten mamiruda, saha mapica kasucian ring pamargin karya sane jaga kamargiang.
2.
Ring setra (genah sawa
mapendem) ngaturang tipat pesor, nasi angkeb, pangkonan putih kuning, sagi,
antuk pengaptin mangda sang seda (sang pitara) nenten ngusak asik,
ngarubeda pamargin Yajna duaning krama Desa ayat
ngamargiang
Yajna Agung nunas karahayuan jagat.
Prade wenten padem, seda sasampun ngemargiang tirta pengandeg/panyuter, kaluwarga/waris punika mangda
nuur/nunas Tirta pangandeg/panyuter ke pura Dalem Desa antuk sarana upakara manut papalihan nomor “a” ring
ajeng.
Yasa Kirti Krama Desa Adat Komala ring :
1.
Merajan, Panti, Dadia/Paibon,
ngaturang : sodahan Putih Kuning, canang sari, canang yasa nunas kerahayuan lan
kadegdegan mangda Karya mamargi antar,
2.
Pura Kahyangan Desa, Dangkahyangan ngaturang Daksina Pejati sodahan Putih Kuning,
canangsari lan
canang yasa saha saruntannia kapuput antuk Jero Mangku Suang suang Pura tatojon
nyane ngalungsur Wara Nugraha Kasidaning Karya Agung lan Karahayuan Jagat.
DUDONAN KARYA
TAWUR AGUNG, NUBUNG DAGING, NGENTEG LINGGIH, MAPEDUDUSAN AGUNG MENAWA RATNA
PURA KAHYANGAN TIGA LAN DHANG KAHYANGAN DESA PAKRAMAN KOMALATAHUN 2014-2015
NO.
|
RAHINA
|
EED KARYA
|
GENAH
|
PENYANGGRA
|
1.
|
Anggara Umanis
Krulut
1 Juli 2014
|
Ngawit
Ngemedalang wewijilan
|
Manut Genah
Suang-suang
|
Panitia
Kerama
|
2.
|
Redite Umanis Menail
10 Agustus 2014
|
- Ngaturang Pamiut
- Ngakuagem Karya
-Nyukat Genah
Karya
-Mawinten/Mejaya-
jaya Panitia,serati
- Maguru Piduka
|
- Pura
Kahyangan
Tiga/Dhang
Kahyangan
- Sewewengkon
Desa
Pakraman Komala
|
- Sulinggih
- Jro Mangku,
Panitia,
Krama
|
3.
|
Saniscara Umanis Watu
Gunung
04 Oktober
2014
|
- Molongin Sunari
- Melaspas Genah
Negteg
|
-Pura Puseh Lan Bale
Agung Desa Adat
Komala
|
- Jro Mangku
- Panitia
- Krama
|
4
|
Soma Pon Sinta
06 Oktober
2014
|
- Nuur Tirta
Pamuket
|
-Tirta Sidha Karya
-Tirta Salukat
-Tirta Pingit
- Tirta Tunggang
-Tirta Empul
- Tirta KahyanganTiga
- Tirta Dangkahyangan
|
-Ida Sulinggih
- Jro Mangku
- Panitia
|
5.
|
Anggara
Wage Sinta
07 Oktober2014.
|
-
Mendak Isepan
|
- Pura Puseh lan Bale
Agung
|
- Jro Mangku
- Panitia
|
6.
|
Buda
Kliwon
Sinta 08
Oktober 2014.
|
-Memineh Empehan
-Negteg Daging
Karya
-Ngunggahang
Sunasri
-Ngemargiang Yasa
Kirti
-Nyengker Setra
|
-PuraKahyangan Desa
Sami Puseh Bale
Agung,Banjar Adat,
Pemaksan,Penataran,
Paibon,Merajan,
SetraDesaAdatKomala.
|
-Ida Sulinggih
- Jro Mangku
- Panitia
- Krama
|
7.
|
Buda Pon Tolu,
05
Nopember 2014.
|
- Melaspas
Wewangunan
Genah
Tawur lan
Pedagingan
|
- Pura Puseh Bale
Agung
|
-Ida Sulinggih
- Jro Mangku
- Panitia
- Krama
|
8.
|
Sukra
Kliwon Tolu
07 Nopember
2014.
|
- Nuur Tirtha Sad
Kahyangan
|
- Kahyangan Jagat
- Kahyangan Desa,
- Desa Adat Komala
- Suang Kahyangan
- Paibon, Geria
- Paumahan
|
- Jro Mangku
- Panitia
- Krama Desa
|
9.
|
Saniscara Umanis Tolu
8 Nopember 14
|
- Mepepada Tawur
Agung
|
- Pura Puseh Bale
Agung
|
-Ida Sulinggih
- Jro Mangku
- Panitia
Krama
|
10.
|
Redite Paing
Gumbreg 09
Nopember 2014.
|
- Nedunang Bhatara
Kabeh
Kahyangan Desa Pura Banjar,Maksan
|
- Pura Puseh Bale
Agung
|
- Jro Mangku
- Panitia
- Pengempon
soang-soang
|
11.
|
Soma
Pon
Gumbreg 10
Nopember 2014.
|
- Melasti
- Mendak Agung
|
- Segara Jasri
- Pura Puseh Bale
Agung
|
-Ida Sulinggih
- Jro Mangku
- Panitia
- Pengempon
|
12.
|
Anggara
Wage
Gumbreg 11
Nopember 2014.
|
- Menben Tawur
Agung
|
- Pura Puseh Bale
Agung
|
-Ida Sulinggih
- Jro Mangku
- Panitia
- Krama
|
13.
|
Buda Kliwon
Gumbreg 12
Nopember 2014.
|
- Tawur Agung
- Wawalen Topeng
- Wayang Sudamala
- Gambang,Slonding
|
- Pura
Puseh Bale
Agung
|
-Ida Sulinggih
- Jro Mangku
- Panitia
- Krama
|
14
|
Waraspati
Umanis Gumbreg 13
Nopember 14 .
|
- Bhatara Kabeh
Mantuk
|
- Soang-soang
Perhyangan
|
- Jro Mangku
- Panitia
- Pengempon
soang-soang
|
15.
|
Saniscara
Pon
Gumbreg, 15
Nopember 2014
|
-Ngelemekin Tawur
|
-Pura Puseh Bale
Agung
|
-Jro Mangku
-Panitia
-Pengempon
|
16.
|
Anggara Umanis Wariga,
18
Nopember
2014.
|
- Ngias Nedunang
Ida Betara
|
- Pura Dalem Desa
- Pura Dalem Sidi
- Pelinggih Catus Pata
- Pelinggih Ulun Setra
- Pelinggih Campuan
Pengadengan
|
- Jro Mangku
- Panitia
- Pengempon
soang-
Soang
- Krama
|
17.
|
Buda
Paing
Wariga,
19
Nopember
2014.
|
- Melaspas, Rsi
Gana, Mepepada
Ngunggahang
Sunari
|
- Pura Dalem Desa
- Pura Dalem Sidi
- Pelinggih Catus Pata
- Pelinggih Ulun Setra
- Pelinggih Campuan
Pengadengan
|
-Ida Sulinggih
- Jro Mangku
- Panitia
- Krama
|
18.
|
Waraspati
Pon
Wariga,
20 Nopember
2014.
|
- Menben Karya
|
- Pura Dalem Desa
- Pura Dalem Sidi
|
-Ida Sulinggih
- Jro Mangku
- Panitia
- Krama
|
19.
|
Sukra Wage
Wariga,
21 Nopember
2014.
|
- Puncak Karya
- Topeng
- Ringgit,
- Pendet lan Rejang
|
- Pura Dalem Desa
- Pura Dalem Sidi
- Pelinggih Catus Pata
- Pelinggih Ulun Setra
- Pelinggih Campuan
Pengadengan
|
-Ida Sulinggih
- Jro Mangku
- Panitia
- Krama
|
20.
|
Saniscara
Kliwon Wariga,
22
Nopember
2014.
|
- Penganyar
|
- Pura Dalem Desa
- Pura Dalem Sidi
- Pelinggih Catus Pata
- Pelinggih Ulun Setra
- Pelinggih Campuan
Pengadengan
|
- Jro Mangku
- Panitia
- Pengempon
- Krama
|
21.
|
Redite
Umanis
Warigadian
23
Nopember
2014.
|
Penganyar
|
-Pura Dalem Desa
- Pura Dalem Sidi
- Pelinggih Catus Pata
- Pelinggih Ulun Setra
- Pelinggih Campuan
Pengadengan
|
- Jro Mangku
- Panitia
- Pengempon
- Krama
|
22.
|
Soma Paing
Warigadian 24
Nopember 2014.
|
- Penganyar
- Mekebat Daun,
Mangun Ayu,
- Ngebekin
- Nyineb
|
- Pura Dalem Desa
- Pura Dalem Sidi
- Pelinggih Catus Pata
- Pelinggih Ulun Setra
- Pelinggih Campuan
Pengadengan
|
-Sulinggih
-Jro Mangku
-Panitia
-Pengempon
-Krama
|
23.
|
Buda
Wage
Waragadian
26
Nopember
2014.
|
-Ngias Bhatara/
Nedunang Betara
|
- Pura Telaga
- Pura Ulun Suwi
- Pura Pesucian
|
- Jro Mangku
- Panitia
- Pengempon
- Krama
|
24.
|
Waraspati
Kliwon Warigadian 27
Nopember 2014.
|
- Melaspas Rsigana
-Nguggahang
Sunasri
-Mapepada
|
- Pura Telaga
- Pura Ulun Suwi
- Pura Pesucian
|
- Sulinggih
- Jro Mangku
- Panitia
- Pengempon
- Krama
|
25.
|
Sukra
Umanis
Warigadian
28
Nopember
2014.
|
- Menben Karya
|
- Pura Telaga
- Pura Ulun Suwi
- Pura Pesucian
|
- Sulinggih
- Jro Mangku
- Panitia
- Pengempon
- Krama
|
26.
|
Saniscara Paing
Warigadian 29
Nopember 2014.
|
- Puncak Karya.
- Wawalen Topeng
- Ringgit,
- Rejang lan Pendet
|
- Pura Telaga
- Pura Ulun Suwi
- Pura Pesucian
|
- Sulinggih
- Jro Mangku
- Panitia
- Pengempon
- Krama
|
27.
|
Redite
Pon
Julungwangi.
30
Nopember
2014.
|
- Penganyar
|
- Pura Telaga
- Pura Ulun Suwi
- Pura Pesucian
|
- Jro Mangku
- Panitia
- Pengempon
- Krama
|
28.
|
Soma
Wage
Julungwangi
1Nopember
2014.
|
-Penganyar
|
- Pura Telaga
- Pura Ulun Suwi
- Pura Pesucian
|
- Jro Mangku
- Panitia
- Pengempon
- Krama
|
29.
|
Anggara
Kliwon
Julungwangi
02
Nopember
2014.
|
-Penganyar
-Mekebat Daun
-Ngebekin
-Nyineb
|
- Pura Telaga
- Pura Ulun Suwi
- Pura Pesucian
|
- Sulinggih
- Jro Mangku
- Panitia
- Pengempon
- Krama
|
30.
|
Buda
Umanis Julungwangi
3
Desember
2014.
|
-Ngias Nedunang Ida Batara
|
- Pura Penatara
Cemara Tebel
- Pura Pucak Sari
- Pelinggih Batu
Bolong
|
- Jro Mangku
- Panitia
- Pengempon
- Krama
|
31.
|
Waraspati
Paing
Julungwangi
4
Nopember
2014.
|
Melaspas Resi Gana,
Mepepada
Ngunggahang Sunari
|
- Pura Penatara
Cemare Tebel
- Pura Pucak Sari
- Pelinggih Batu
Bolong
|
- Sulingih
- Jro Mangku
- Panitia
- Pengempon
- Krama
|
32
|
Sukra
Pon
Julungwangi
5
Desember
2014.
|
-Menben Karya
|
- Pura Penatara
Pengungangan
- Pura Pucak Sari
- Pelinggih Batu
Bolong
|
- Sulingih
- Jro Mangku
- Panitia
- Pengempon
- Krama
|
33
|
Saniscara Wage
Julungwangi
6 Desember
2014
|
-Puncak Karya
- Wawalen Topeng
- Ringgit, Topeng
- Baris Gede
- Pendet lan Rejang
|
- Pura Penatara
Pengungangan
- Pura Pucak Sari
- Pelinggih Batu
Bolong
|
- Sulingih
- Jro Mangku
- Panitia
- Pengempon
- Krama
|
34.
|
Redite
Kliwon
Sungsang
7
Desember
2014
|
-Penganyar
|
- Pura Penatara
Cemara Tebel
- Pura Pucak Sari
- Pelinggih Batu
Bolong
|
- Jro Mangku
- Panitia
- Pengempon
- Krama
|
35.
|
Soma
Umanis,
Sungsang
8
Desember
2014.
|
- Penganyar
|
- Pura Penatara
Cemara Tebel
- Pura Pucak Sari
- Pelinggih Batu
Bolong
|
- Jro Mangku
- Panitia
- Pengempon
- Krama
|
36.
|
Anggara
Paing
Sungsang
9
Desember
2014.
|
- Penganyar
- Mekebat Daun
- Mangun Ayu
- Ngebekin
- Nyineb
|
- Pura Penatara
Pengungangan
- Pura Pucak Sari
- Pelinggih Batu
Bolong
|
- Sulingih
- Jro Mangku
- Panitia
- Pengempon
- Krama
|
37.
|
Sukra
Umanis
Langkir,
2
Januari
2015.
|
- Ngias/ Nedunang
Bhatara.
|
- Pura Kahyangan
Desa
- Pura Banjar
sawewengkon
Desa Adat Komala
|
- Jro Mangku
- Panitia
- Pengempon
- Krama
|
38.
|
Saniscara
Paing Langkir
3
Januari 2015
|
- Mapepada Karya
|
- Pura Puseh, Bale
Agung
|
- Sulingih
- Jro Mangku
- Panitia,
Krama
- Pengempon
|
39.
|
Redite
Pon
Medangsia
4 Januari 2015
|
- Menben Karya
|
- Pura Puseh, Bale
Agung
|
- Sulingih
- Jro Mangku
- Panitia,
Krama
- Pengempon
|
40.
|
Soma Wage
Medangsia
5 Januari 2015
|
- Puncak Karya
- Topeng, Ringgit
- Baris Gede
- Gambang
- Selonding
- Pendet lan Rejang
|
- Pura Puseh Bale
Agung
|
- Sulinggih
- Jro Mangku
- Panitia,
Krama
- Pengempon
|
41.
|
Anggara
Kliwon
Medangsia
6
Januari 2015
|
- Penganyar
|
- Pura Puseh Bale
Agung
|
- Jro Mangku
- Panitia,
- Pengempon
- Krama
|
42.
|
Buda
Umanis Medangsia
7
Januari 2015.
|
- Penganyar
|
- Pura Puseh Bale
Agung
|
- Jro Mangku
- Panitia
- Pengempon
- Krama
|
43.
|
Waraspati
Paing Medangsia
8
Januari 2015
|
- Penganyar
-Pengelemek
|
- Pura Puseh Bale
Agung
|
- Sulinggih
- Jro Mangku
- Panitia
- Pengempon
- Krama
|
44
|
Sukra
Pon
Medangsia
9
Januari 2015
|
- Penganyar
|
- Pura Puseh Bale
Agung
|
- Jro Mangku
- Panitia,
Krama
- Pengempon
|
45.
|
Saniscara Wage Medangsia 10 Januari 2015
|
- Penganyar
- Mekebat Daun,
Mangun Ayu
- Ngebekin
|
- Pura Puseh Bale
Agung
|
- Sulinggih
- Jro Mangku
- Panitia
- Pengempon
- Krama
|
46.
|
Redite
Kliwon
Pujut
11
Januari
2015
|
- Penganyar
|
- Pura Puseh Bale
Agung
|
- Jro Mangku
- Panitia,
Krama
- Pengempon
|
47.
|
Soma
Umanis
Pujut
12 Januari 2015
|
- Penganyar
- Penyenuk
- Karya
|
- Pura Puseh Bale
Agung
|
- Sulinggih
- Jro Mangku
- Panitia
- Pengempon
- Krama
|
48
|
Anggara
Paing
Pujut
13
Januari
2015.
|
- Penganyar
|
- Pura Puseh Bale
Agung
|
- Jro Mangku
- Panitia
- Pengempon
- Krama
|
49
|
Budha
Pon
Pujut
14 Junuari 2015.
|
- Penganyar
- Rsi Bojana
|
- Pura Puseh Bale
Agung
|
- Sulinggih
- Jro Mangku
- Panitia
- Pengempon
- Krama
|
50
|
Waraspati
Wage
Pujut 15 Januari 2015.
|
- Penganyar
|
- Pura Puseh Bale
Agung
|
- Jro Mangku
- Panitia
- Pengempon
- Krama
|
51
|
Sukra
Kliwon
Pujut
16
Januari
2015
|
- Penganyar
- Penyineb
- Nuwek Bagia Pula
Kerthi
- Bhatara Kabeh
Mantuk.
|
- Pura Puseh Bale
Agung.
|
- Sulingih
- Jro Mangku
- Panitia
- Pengempon
- Krama
|
52
|
Soma
Pon
Pahang
19
Januari
2015
|
Nyegara Gunung
|
- Segara Jasri/
- Pengungangan
|
- Sulingih
- Jro Mangku
- Panitia
- Pengempon
- Krama
|
III. PANGUNTAT (PEMUPUT)
Asapunika
daging cakepan alit “Yasa Kirti” puniki, mangda sidha dados tata titi pangancaan lan pamikukuh ring
nyanggra karya kinucap ring ajeng. Sampun janten cakepan alit puniki akeh
makekirang ipun malarapan antuk punika mangda para pangawacen/para krama Desa sareng sami sidha
ngicen pangampura.
Om Santih Santih Santih Santih Om
Komala,
22 Februari 2014
Yajamana Karya Prawartaka
Karya
I Wayan Putu
I Wayan Mudu
Tidak ada komentar:
Posting Komentar